Wasaaradda Maaliyadda waxay ka mid tahay 14-kii Wasaaradadood ee lagu aas-aasay Dawladda Puntland, waxaana lagu abuuray Dekreeto Madaxweyne Lr. 01/98 ee 06/08/98, abuuristaas oo laga tixraacayey qodobka 13-naad ee Axdi-Qarameedka Dawladda Puntland. Dal-walbaa Wasaaradda Maaliyaddu waa halbowlaha Dhaqaalaha ee dalkaas, waxayna u xilsaaran tahay arrimaha hoos ku qoran:

Waajibaadka Shaqo ee W/Maaliyadda “Kooban” (Summary Mandate)

• Sameynta Siyaaasadda Dhaqaalaha Dalka iyo kan cashuuraha
• Maareeynta iyo saadaalinta Dhaqaalaha Dalka
• Diyaarinta Miisaaniyadda Dawladda
• Diyaarinta Xisaab-xirka sanadlaha ah ee Dawladda
• Diyaarinta iyo Qorshaynta Istaraatijiyadaha lagu hormarinayo Maaliyadda iyo Cashuuraha Dalka
• Ilaalinta iyo ku-dhaqanka Miisaaniyadda Dawladda
• Iibinta, Ilaalinta iyo diiwaangelinta Hantida Dawladda guurto iyo ma guurto
• Sameynta, wax ka bedelka iyo hormarinta Dakhliga iyo dhamaan Cashuuraha Dalka
• Beekhaaminta iyo Xakamaynta Kharashyada Dawladda
• La-shaqaynta Wasaradaha iyo Hayadaha Dawladda
• Abuurista ila cusub oo dhaqaale
• Kaydinta iyo bixinta Deymanka lagu leeyahay Dawladda
• Isu ururinta Xisaabaadka Guud ee Dawladda
• La-socodka Maalgashiga Dalka
• Maamulida iyo la socodka Deeqaha iyo Kaalmada Dibada
• Ka-qayb-qadashada iyo hormarinta Mashaariicda Dawladda iyo kuwa Caalamiga ah
• Hormarinta Kaabayaasha dhaqaalaha ee Dalka
• Ilaalinta, Kormeerka, la-socodka iyo u gudbinta oggolaashana dhamaan arrimaha Cashuuraha dalka